Þorsteinn í fjármálaráðuneytið

Fjármálaráðherra hefur skipað Þorstein Þorgeirsson í embætti skrifstofustjóra efnahagsskrifstofu fjármálaráðuneytisins. Þorsteinn er hagfræðingur að mennt og á að baki fjölþætta starfsreynslu innan lands og utan. Hann hefur m.a. starfað sem hagfræðingur hjá EFTA og hjá Efnahags- og samvinnustofnuninni, OECD. Frá árinu 2001 hefur Þorsteinn gegnt starfi hagfræðings Samtaka iðnaðarins. Þorsteinn hefur störf í fjármálaráðuneytinu 1. janúar næstkomandi. Fimm umsóknir bárust um embættið. Einn umsækjenda dró umsókn sína til baka. Hinir voru Ari Skúlason hagfræðingur, Benedikt Valsson hagfræðingur og Helga Jónsdóttir hagfræðingur.