Milljarða­bónus­greiðslur skila stjórn­endum ALMC í efstu sæti skatta­kónga­listans

Fjórir af tíu hæstu greiðendum opinbera gjalda hér á landi á þessu ári eru lykilstjórnendur ALMC sem áður hét Straumur/Burðarás. Ástæðan er milljarðabónusgreiðslur til stjórnenda fyrirtækisins. Bónusarnir áttu að hvetja stjórnendurnar til að hámarka viðri eigna félagsins.

Christopher M. Perrin, stjórnarformaður ALMC, greiddi næst hæstu opinberu gjöldin í fyrra eða 200 milljónir króna.

Þá er Jakob Már Ásmundsson, sem var forstjóri ALMC til ársins 2013,  í þriðja sæti en hann greiddi 193 milljónir króna í opinber gjöld.

Óttar Pálsson, meðeigandi Logos, fyrrverandi forstjóri ALMC og núverandi stjórnarmaður félagsins er í sjötta sæti listans en hann 143 milljónir króna í opinber gjöld.

Andrew Sylvain Bernhardt, stjórnarmaður ALMC og fyrrverandi framkvæmdastjóri, greiðir 113 milljónir króna til hins opinbera en hann situr í 10. sæti listans.