Lögreglumál

Lögreglumál

Fréttir af verkefnum lögreglunnar á Íslandi.

Fréttamynd

Þjófar herja á fyrir­tæki borgarinnar

Áfram var nokkuð um innbrot og þjófnaði miðsvæðis í Reykjavík í dag, samkvæmt skrá lögreglu yfir verkefni dagsins. Þá gerðust tveir ökumenn á höfuðborgarsvæðinu sekir um það að vera í þriðja skipti teknir án ökuréttinda.

Innlent

Fréttir í tímaröð

Fréttamynd

Barn í hoppukastala sem tókst á loft

Ungur drengur var í uppblásnum hoppukastala sem tók á loft vegna vindhviðu á Neskaupsstað eftir hádegi síðastliðinn laugardag. Drengurinn var í kjölfarið fluttur á sjúkrahús, en mun hafa sloppið með minni háttar meiðsli.

Innlent
Fréttamynd

Al­var­legt að ógna fólki með því sem það heldur að sé vopn

Margrét Valdimarsdóttir, dósent í félags- og afbrotafræði, segir að þó svo að leikfangabyssa sé notuð til að ógna sé það alvarlegt því fólk geri ekki endilega greinarmun á henni og raunverulegri byssu. Margrét segir mikilvægt að lögregla hafi brugðist við slíku atviki á Akureyri um helgina. Hún segir áríðandi að stjórnmálamenn bregðist ekki við slíkum atvikum með að ala á ótta eða andúð í garð ákveðinna hópa í samfélaginu. 

Innlent
Fréttamynd

Reyndust báðir vopnaðir, annar hamri og hinn öxi

Tilkynnt var um tvo vopnaða aðila í miðbæ Reykjavíkur í gærkvöldi eða nótt en að sögn tilkynnanda voru þeir ógnandi og árásargjarnir. Annar þeirri reyndist vopnaður öxi og hinn hamri en þeir voru handteknir og færðir á lögreglustöðina á Hverfisgötu. Lagt var hald á vopn í málinu en ekki liggur fyrir hvort bæði öxin og hamarinn hafi verið haldlögð.

Innlent
Fréttamynd

Segir lög­reglu skrum­skæla gaman­söm um­mæli

Sveinn Andri Sveinsson, lögmaður annars hinna ákærðu í hryðjuverkamálinu svokallaða, undirbýr nú bótakröfu á hendur ríkinu. Lögmaðurinn segir kröfuna munu byggja á þeim orðsporshnekki sem hann hafi orðið fyrir og þeim tíma sem skjólstæðingur hans var látinn sæta gæsluvarðhaldi vegna málsins. Bótakrafan mun nema tugum milljóna, að hans sögn.

Innlent
Fréttamynd

Ruglings­legar og mis­vísandi frá­sagnir um fjóra til fimm­tán á­rásar­menn

Framburður vitna í fimm ára gömlu líkamsárásarmáli var ruglingslegur og misvísandi á marga vegu. Þess vegna var það mat Héraðsdóms Reykjavíkur að ákæruvaldið hafi ekki axlað sönnunarbyrgðina sem á því hvílir. Þess vegna voru sex menn sýknaðir í málinu, þar á meðal Gabríel Douane Boama, sem ítrekað hefur komist í kast við lögin undanfarin ár.

Innlent
Fréttamynd

Enn eitt inn­brotið í mið­bænum

Lögreglunni á höfuðborgarsvæðinu barst tilkynning um innbrotsþjóf í heimahúsi í miðborg Reykjavíkur í nótt. Þjófurinn var staðinn að verki við að brjótast inn í mannlausa íbúð en nágrannar yfirbuguðu hann og héldu honum þar til lögregla kom á vettvang.

Innlent
Fréttamynd

Annar á­rekstur á sama vegkafla og einn fluttur með sjúkra­bíl

Einn var fluttur undir læknishendur eftir að tveir bílar rákust á í kjölfar framúraksturs á Hrútafjarðarhálsi á Norðvesturlandi á sjöunda tímanum í kvöld. Þrír voru í bílunum en sá sem var fluttur með sjúkrabíl er ekki alvarlega slasaður. Lögreglan biðlar til fólks að sýna þolinmæði en tvö keimlík slys hafa orðið á Norðvesturlandi í kvöld.

Innlent
Fréttamynd

Harður á­rekstur á Norð­vestur­landi til­kominn vegna framúraksturs

Verulega harður árekstur þriggja bíla varð á sjötta tímanum í dag þegar ökumaður ætlaði sér að taka fram úr bílaröð á Hringveginum skammt frá Þrístöpum á Norðvesturlandi. Miklar bílaraðir hafa myndast á vegkaflanum en mikil umferð hefur verið á svæðinu í dag. Enginn er alvarlega slasaður en tveir af þremur bílum eru óökufærir að sögn lögreglu.

Innlent
Fréttamynd

Skoða stækkun á öryggismyndavélaneti

Til skoðunar er að stækka það svæði í miðborginni sem vaktað er með öryggismyndavélum að sögn borgarstjóra. Ráðist verður í nágrannavörsluátak í Reykjavík í kjölfar innbrotahrinu.

Innlent
Fréttamynd

Vopnin reyndust vera „ná­kvæmar eftir­líkingar“

Fimmmenningarnir sem voru handteknir í gær í aðgerðum lögreglu og sérsveitarinnar á Akureyri reyndust ekki vera með alvöru skotvopn í fórum sínum heldur „nákvæma eftirlíkingu af skotvopni“ að sögn lögreglunnar á Norðurlandi eystra.

Innlent
Fréttamynd

Skot­vopnin reyndust leikfangabyssur

Drengirnir fimm sem voru handteknir í aðgerðum lögreglu og sérsveitarinnar í dag reyndust ekki vera með alvöru byssur í fórum sínum. Lögregla fullyrti í dag að skotvopn hefðu fundist í bílum þeirra en samkvæmt heimildum fréttastofu er um að ræða leikfangabyssur.

Innlent
Fréttamynd

Miðaði byssu á annan mann

Eftir að hafa varist allra fregna um aðgerðir í dag sagði aðalvarðstjóri hjá Lögreglunni á Norðurlandi eystra að tilkynnt hefði verið um mann vopnaðan skotvopni að miða því á annan mann. Fimm voru handteknir í dag.

Innlent

Mest lesið