Þrettánda mark Bjarka í ellefu leikjum kom beint úr aukaspyrnu

Bjarki hefur nú skorað þrettán mörk í ellefu leikjum í öllum keppnum með nítján ára liði Dortmund á hans fyrsta tímabili í Þýskalandi.

Þrettánda markið skoraði hann í 2-0 sigri á Duisburg um helgina og skoraði hann það með frábæru skoti beint úr aukaspyrnu.

Bjarki er með átta mörk í átta deildarleikjum, þrjú mörk í einum bikarleik og tvö mörk í tveimur leikjum í Evrópukeppni unglingaliða.

Þrettán mörk á 707 mínútum sem gerir mark á 54 mínútna milli.

Að auki skoraði Bjarki þrjú mörk í tveimur leikjum með nítján ára landsliðinu í undankeppni EM í lok september og mörkin eru því í raun orðin sextán á leiktíðinni.

Hér fyrir neðan má sjá þetta glæsimark Bjarka frá því um helgina. Þrumuskot með vinstri fæti sem markvörðurinn átti litla möguleika á að verja.