Svein­dís Jane og Angel City unnu mikil­vægan sigur

Leikurinn fór fram á heimavelli Racing Louisville og var markalaus allt fram á 69. mínútu. Þá kom Evelyn Shores Angel City yfir með glæsilegu marki af löngu færi.

Shores var síðan aftur á ferðinni í uppbótartíma þegar hún innsiglaði sigurinn. Ally Sentnor átti þá sendinguna á Shores sem skoraði sitt annað mark í leiknum og tryggði Angel City 2-0 sigur.

Sveindís Jane lék allan leikinn fyrir Angel City og hjálpaði liðinu að ná í þrjú afar mikilvæg stig í baráttunni um sæti í úrslitakeppni deildarinnar.

Sigurinn var sá annar í röð hjá Angel City, sem hafði unnið Boston Legacy 5-2 í síðasta leik. Með sigrinum fór Angel City upp fyrir úrslitakeppnislínuna í NWSL-deildinni.

Hér að neðan má sjá mörkin úr leiknum.