Sjáðu mörkin í rosa­legum endurkomusigri Fram

Fram náði ótrúlegum endurkomusigri á Stjörnunni á heimavelli en þetta var mikilvægur sigur fyrir Fram sem er í mikilli botnbaráttu. 

Á sama tíma vann Víkingur óvæntan stórsigur á Grindavík/Njarðvík en þetta var einnig mikilvægur leikur fyrir Víkinga. Með sigrinum náðu Víkingar að spyrna sér af botninum en Valur er nú í botnsætinu en liðið á leik gegn FH í dag.

Mörkin úr leikjum Fram gegn Stjörnunni og Víkings gegn Grindavík/Njarðvík má sjá í spilaranum hér að neðan:

Topplið Breiðabliks missteig sig gegn ÍBV á heimavelli og virtist sigur í Evrópukeppni fyrr í vikunni hafa áhrif á liðið. Engu að síður spilaði ÍBV frábærlega og verðskuldaði sigurinn.

Mörkin úr leik Breiðabliks gegn ÍBV má sjá í spilaranum hér að neðan:

Einnig fór fram leikur Þróttar og Þór/KA í gær en þar fór markalaust jafntefli.