Innlent

Nei-liðar um­tals­vert fleiri sam­kvæmt fyrstu tölum í Norðvestur­kjör­dæmi

Smári Jökull Jónsson skrifar
Talning í Norðvesturkjördæmi fer fram í Borgarnesi.
Talning í Norðvesturkjördæmi fer fram í Borgarnesi. Vísir/Vilhelm

Alls sögðu 60,8 prósent kjósenda í Norðvesturkjördæmi nei í þjóðaratkvæðagreiðslunni um áframhald viðræðna við ESB samkvæmt fyrstu tölum sem greint var frá nú rétt í þessu. Búið er að telja 5845 atkvæði.

Alls sögðu 3527 kjósendur nei eða 60,8 prósent en 2277 kjósendur já eða 39,2 prósent. Búið er að telja 5845 atkvæði en á kjörskrá í kjördæminu eru 22.687 sem er það fámennesta á landinu. Auðir seðlar og ógildir voru 41.

Samkvæmt tölum frá kjörstjórn var kjörsókn 65,25 prósent klukkan 22:00 en samanborið við Alþingiskosningarnar árið 2024 var kjörsókn þá 76,2 prósent. 

Talning virðist ganga vel í kjördæminu því fyrstu tölur birtust töluvert fyrr en kjörstjórn hafði áður tilkynnt. Talið er í Hjálmakletti í Borgarnesi en samvæmt upplýsingum frá kjörstjórn fyrir atkvæðagreiðsluna var ekki búist við að nein atkvæði af Vestfjörðum yrðu hluti af fyrstu tölur.

Ekki er búist við að næstu tölur verði tilkynntar fyrr en undir morgun og lokatölur í fyrramálið.

Norðvesturkjördæmi Þjóðar­at­kvæða­greiðsla um ESB-viðræður

Tengdar fréttir

Evrópuvaktin: Úrslitin ráðast

Kjörstöðum í þjóðaratkvæðagreiðslu um áframhaldandi aðildarviðræður við Evrópusambandið verður lokað klukkan 22. Fylgst verður grannt með gangi mála í kosningasjónvarpi Sýnar og hér í kosningavaktinni á Vísi.

Mest lesið


Fleiri fréttir

Sjá meira


×

Mest lesið