Viðskipti innlent

Elín Hirst stofnar fyrir­tæki

Atli Ísleifsson skrifar
Elín Hirst sat um tíma og þingi og hefur verið fréttastjóri bæði hjá RÚV og á Stöð 2.
Elín Hirst sat um tíma og þingi og hefur verið fréttastjóri bæði hjá RÚV og á Stöð 2.

Elín Hirst, fyrrverandi þingmaður og fréttastjóri, hefur stofnað fyrirtæki sem býður fyrirtækjum, stofnunum og einstaklingum upp á víðtæka fjölmiðla- og samskiptaþjónustu, framleiðslu og viðburðastjórnunar.

Í tilkynningu segir að félagið heitir Elín Hirst Production–Hugveita ehf.

Fram kemur að Elín búi að yfir þrjátíu ára reynslu af fjölmiðlun, sjónvarpi, margmiðlun, alþjóðasamskiptum og störfum á opinberum vettvangi.

„Sú reynsla nýtist nú þeim sem vilja styrkja samskipti sín, bæta framkomu og framsetningu eða koma verkefnum faglega frá hugmynd til framkvæmdar.

Áhrifarík samskipti byggjast á fagmennsku, innsæi og víðsýni. Markmiðið er að veita persónulega og markvissa þjónustu þar sem reynsla, fagmennska og árangur fara saman.

Fjölmiðlaráðgjöf

Stefnumótun og ráðgjöf í samskiptum við fjölmiðla.

Viðburðastjórnun

Bæði innlendir og erlendir viðburðir skipulagðir af reynslu og fagmennsku.

Fjölmiðlaframkoma

Þjálfun í viðtölum, framsetningu og framkomu í fjölmiðlum.

Framleiðsla á kvikmynda- og sjónvarpsefni

Hugmynd, þróun og framleiðsla myndefnis frá upphafi til enda.

Áratuga reynsla Elínar spannar fjölmiðlun, sjónvarp, margmiðlun, alþjóðasamskipti og störf á opinberum vettvangi. Hún er nú til taks fyrir fyrirtæki, stofnanir og einstaklinga sem vilja nýta þá reynslu til að ná skýrari markmiðum og betri árangri,“ segir í tilkynningunni.

Auglýsinga- og markaðsmál


Mest lesið


Fleiri fréttir

Sjá meira


×

Mest lesið