Bald­vin þrettándi á EM á nýju Ís­lands­meti

Baldvin kom í mark á 28:25.67 mínútum og setti með því nýtt Íslandsmet. Hlynur Andrésson átti gamla Íslandsmetið en hann hljóp á 28:36.80 mínútum árið 2021.

Baldvin átti hörku endasprett og var nálægt því að komast enn hærra en sér til þess að Ísland á fjóra keppendur meðal þrettán efstu á þessu Evrópumóti.

Baldvin setti Íslandsmet í 10 km götuhlaupi þegar hann hljóp á 27:40 mínútum í Valencia í janúar og hefur því slegið bæði metin á þessu ári.

Baldvin á líka Íslandsmetin í 1500 metra, 3000 metra og 5000 metra hlaupi auk þess að eiga metin í fimm kílómetra og tíu kílómetra götuhlaupum.

Svíinn Andreas Almgren vann Evrópumeistaratitilinn með miklum yfirburðum en hann kom í mark á 27:23.44 á nýju mótsmeti.

Svisslendingurinn Dominic Lokinyomo Lobalu fékk silfur og Frakkinn Jimmy Gressier tók bronsið.