Enska deildin mót­mælir á­kvörðunum Infantino

Í vikunni kom í ljós tillaga Gianni Infantino, forseta Fifa, um að selja heimsmeistaramótið í fótbolta. Þær hugmyndir hafa fallið í grýttan jarðveg og hafa ýmsir mótmælt þessum hugmyndum.

„Heimsmeistaramótið í fótbolta ætti ekki að vera til sölu. Virði þess er myndað af deildum, félögum, leikmönnum og stuðningsmönnum sem fá ekkert að segja um málið.“

Í tilkynningunni er ítrekað að Samband fótboltadeilda í Evrópu ætli að halda áfram sambandi við Evrópska knattspyrnusambandið, Uefa, sem hefur gagnrýnt gjörðir Fifa mikið.

Stærstu deildir heims eru undir sambandi fótboltadeilda í Evrópu og þar hafa enska úrvalsdeildin og ítalska úrvalsdeildin lýst yfir stuðningi við yfirlýsinguna. Þar er lögð áhersla á að það eigi að kjósa um svona málefni. Forseti Fifa á ekki einn að geta ráðið því að selja heimsmeistaramótið í fótbolta.