Innlent

Enn skelfur í Bárðar­bungu

Gunnar Reynir Valþórsson skrifar
Bárðarbunga þessi misserin að safna kviku og þá koma stöku sinnum skjálftar af þessari stærðargráðu.
Bárðarbunga þessi misserin að safna kviku og þá koma stöku sinnum skjálftar af þessari stærðargráðu. Vilhelm

Öflugur Jarðskjálfti varð í norðanverðri öskjunni í Bárðarbungu í morgun. Skjálftinn reið yfir þegar klukkuna vantaði um tuttugu mínútur í sex og mældist hann 5,2 stig.

Nokkrir eftirskjálftar hafa komið í kjölfarið en þeir hafa allir verið mun minni. Sigríður Kristjánsdóttir náttúrvársérfræðingur segir skjálfta sem þessa koma með reglulegu millibili í öskjunni nú þegar hún sé að fyllast af kviku.

„Það hafa reglulega verið að koma skjálftar þarna í öskjunni undanfarin misseri þannig að þetta kemur okkur þannig séð ekkert á óvart,“ segir Sigríður. Hún bætir við að síðast hafi álíka skjálfti komið 13. júní síðastliðinn og þar áður 31. janúar. Allir hafi þeir verið um 5 stig að stærð.

Sigríður segir að þrátt fyrir stærð skjálftanna séu þeir það langt uppi á hálendi að engar tilkynningar hafi borist um að þeir hafi fundist í byggð, ólíkt skjálftanum í gær við Nesjavelli sem fannst víða um land þrátt fyrir að hafa verið mun minni að stærð.

Skjálftinn mældist 5,2 að stærð.
Eldgos og jarðhræringar Bárðarbunga

Tengdar fréttir

Skjálftinn fannst í Grundarfirði og Búðardal

Skjálftinn við Nesjavelli sem reið yfir eftir miðnætti í gær fannst í Grundarfirði og í Búðardal. Litlir eftirskjálftar fylgdu í kjölfarið en þegar leið á nóttina fór að róast á jarðskjálftamælunum. 

Stór skjálfti á Nesjavöllum

Skjálfti að stærðinni 4,1 mældist við Nesjavelli klukkan tuttugu og fimm mínútur í eitt í nótt. 

Skjálfti í Bárðarbungu að stærð 4,8

Tveir jarðskjálftar mældust í Bárðarbungu upp úr klukkan átta í kvöld að stærð 2,6 og 4,8. Skjálftar af þessari stærð sjást nokkuð reglulega í Bárðarbungu, að sögn Veðurstofunnar. Fyrri skjálftinn mældist klukkan 20:10 og sá seinni klukkan 20:14.

Skjálftinn í Bárðar­bungu 5,3 að stærð

Jarðskjálfti að stærð 5,3 mældist í norðvestanverðri Bárðarbunguöskjunni klukkan 11:54 í dag. Fyrsta stærð var metin 4,1 og hún síðar uppfærð í 5,3 eftir að skjálftinn var yfirfarinn. Nokkrir eftirskjálftar hafa fylgt í kjölfarið. 

Mest lesið


Fleiri fréttir

Sjá meira


×

Mest lesið