Arnór í leyfi frá störfum

Arnór tók við starfi yfirmanns knattspyrnumála hjá kvennaliði Hammarby fyrir um ári síðan, eftir að hafa gegnt stöðu yfirmanns knattspyrnumála hjá Val á Íslandi um skamman tíma áður.

Arnór á sænska eiginkonu og spilaði í Svíþjóð um árabil, með liði Hammarby frá 2016-18.

Hammarby tilkynnti um breytingarnar í morgun og þar segir að Magnus Bodsgard muni sinna starfinu í fjarveru Arnórs. Auk hans munu Adrian Båge von Heijne og Markus Nilsson vinna náið með kvennaliðinu til að fylla í skarðið sem Arnór skilur eftir.

„Við erum með marga hæfa starfsmenn sem munu axla meiri ábyrgð í framtíðinni og við erum sannfærð um að þeir muni standa sig vel. Við vonumst til að sjá Arnór aftur fljótlega,“ segir Båge von Heijne.

Guðrún Arnardóttir, landsliðskona, er á mála hjá Hammarby. Liðið varð sænskur bikarmeistari og komst í úrslit Evrópubikarsins í vor, sem stendur er það í 2. sæti sænsku deildarinnar.