„Rosa­lega þreytandi stef“

„Við fórum mjög langt frá leikplaninu okkar sem við erum óvanir að gera. Ég er mjög svekktur að ég hafi ekki náð að gíra liðið betur upp í þennan fyrri hálfleik.“

Sigurður var mjög ósáttur við leik sinna manna sérstaklega í mörkunum sem þeir eru að fá á sig.

„Við byrjum seinni hálfleikinn sterkt en svo er það bara þannig að mér finnst við alltof oft vera í færi eða séns öðru megin og svo fáum við mark í andlitið hinum megin sem er orðið rosalega þreytandi stef sem við þurfum að reyna að breyta. Ég verð bara að gera töluvert betur í því að reyna að breyta þessu.“

Spurður að því hvað sé að valda stóð ekki á svörum.

„Við erum bara illa staðsettir og linir, fókusinn hjá okkur er alltof lítill og ég held bara að ég sé ekki búin að koma þessu nægjanlega vel til skila hvernig ég vill að þetta sé gert og það er rosalega svekkjandi. Erfitt að kyngja því.“

Þór fékk mark á sig eftir tvær mínútur í seinni hálfleik þar sem liðið hafði verið í sókn stuttu áður. 

„Það var bara mjög hræðilegt, það sama og gerðist í leiknum á móti Víking í síðustu umferð. Þetta er bara að gerast alltof oft að við erum í færi en fáum svo bara mark á okkur og það er af því við erum illa staðsettir og bregðumst illa við. Það er nákvæmlega það sama og gerist þegar þeir fá vítið, við að klára sóknina illa og endum að fá víti í andlitið.“

„Við verðum bara að verða miklu betri. Það voru jákvæðir hlutir að gerast og mér fannst við vera í mómentinu að taka þennan leik og vinna hann en á meðan við sýnum ekki betra hugarfar en þetta, vinnum ekki návígi og fyrstu bolta að þá vinnum við enga leiki. Það er bara eins gott að við förum að drullast til að gera það því að ef við förum ekki að gera það þá töpum við bara öllum leikjum.“

Þór kom sterkara inn í seinni hálfleikinn, skoruðu mark og pressuðu ÍA vel seinni hluta hálfleiksins.

„Þeir greinilega þurftu einhverja gusu á sig til að vakna en að sjálfsögðu fengum við mark beint í andlitið. Alltof mikið af sénsum og færum sem við nýtum ekki. Við þurfum að fara að skora fleiri mörk og skora fleiri mörk á æfingum til að koma því inn í leiki þannig að ég þarf bara að þjálfa liðið betur.“