Santos óskaði eftir starfslokum sem þjálfari Sel­foss

Selfoss tilkynnir um starfslok Santos í yfirlýsingu á miðlum félagsins og segir um hans eigin ákvörðun að ræða.

Santos tók fyrst við störfum hjá Selfossi sem aðstoðarþjálfari Þóris Ólafssonar árið 2023. Hann tók síðan við sem aðalþjálfari liðsins árið 2024 og hefur stýrt liðinu síðustu tvö tímabil.

Á fyrsta tímabili hans náði liðið þeim áfanga að tryggja sér sæti í Olísdeildinni eftir umspil við Víking og Gróttu. Liðið endaði í 10. sæti Olísdeildarinnar í vetur og tryggði sér áframhaldandi veru í deildinni.

Hann þakkar þakkar félaginu og leikmönnum fyrir tíma sinn á Selfossi.

„Ég hef notið þess að þjálfa á Selfossi og vinna með ungum og metnaðarfullum leikmönnum. Ég óska Selfossi alls hins besta á næstu leiktíð og í framtíðinni,“ segir Carlos Martin Santos í yfirlýsingu Selfoss.