Ferill Jake Paul í hættu

Setja þurfti tvær títaníumplötur í YouTube-áhrifavaldinn Paul eftir rosalegt kjaftshögg Bretans Joshua í bardaga þeirra í Miami. Bardaginn stóð yfir í sex lotur en var stöðvaður í kjölfar þess að Paul komst ekki á fætur eftir ítrekuð föll til jarðar sökum þungra högga Joshua, sem er tvöfaldur heimsmeistari.

Flestir bardagar á ferli Pauls höfðu verið við hnefaleikakappa sem voru komnir langt yfir sitt besta eða fyrrum MMA-kappa. Hann mætti sannarlega ofjarli sínum í Joshua og er enn að jafna sig, hálfu ári síðar.

„Ég fer í myndatöku eftir nokkra daga, af kjálkanum, til að sjá hvernig þetta lítur út. Við sjáum hvað læknarnir segja. Þá liggur fyrir betri tímarammi eða hvort ég geti yfirhöfuð barist aftur. Það er mögulegt að svo sé ekki,“ segir Paul sem var spurður hvort framtíð hans innan hnefaleikanna væri í hættu.

„Alvar klárlega. Það veltur á því hvernig beinið grær og svo er enn tönn sem vantar. Ég er nokkuð viss um að ég þurfi að fá gervitönn. Þetta kemur bara allt saman í ljós.“