Ein­stakt sam­band hlaupa­stjörnunnar og þjálfarans í Sex­tíu mínútum

Gout hefur vakið mikla athygli fyrir afrek sín á hlaupabrautinni undanfarin misseri. Í síðasta mánuði varð hann Ástralíumeistari í tvö hundrað metra hlaupi.

Gout hljóp þá á 19,67 sekúndum og setti heimsmet í flokki tuttugu ára og yngri. Það er betri tími en sjálfur Usain Bolt náði þegar hann var táningur.

Gout er spáð miklum frama og í síðasta þætti Sextíu mínútna var þrettán mínútna innslag um Ástralann unga.

Þar er kastljósinu meðal annars beint að sambandi Gouts og Sheppards. Hann viðurkennir að utan frá virðist þau kannski sérstakt tvíeyki en samstarf þeirra sé afar farsælt.

„Gamla hvíta konan og ungi dökki strákurinn. Þetta er klikkuð blanda en virkar fullkomlega. Ég myndi ekki vilja hafa þetta neitt öðruvísi,“ sagði Gout.

Sheppard grínaðist með að það eina sem gæti truflað samstarf þeirra Gouts væri ef hann eignaðist kærustu sem henni líkaði ekki við.

Í næsta mánuði keppir Gout við Ólympíumeistarann Noah Lyles í 150 metra hlaupi í Tékklandi. Í ágúst stefnir hann svo á að vinna gull í tvö hundruð metra hlaupi á HM U-20 ára.