Al­vöru garðpartý Vals­manna á pallinum hjá Magnúsi

Arnór Snær Óskarsson segir hefð fyrir því að menn hittist á pallinum hans Magnúsar Óla í Fossvoginum og engin breyting var á í gær. Leikmenn Vals voru þar komnir saman upp úr hádegi daginn eftir að bikarinn fór á loft.

Þeir Magnús Óli, Róbert Aron Hostert og Agnar Smári Jónsson eru þá allir hættir handboltaiðkun og hafa ærna ástæðu til að fagna vel.

„Ég fagna þar til ég dey,“ sagði Agnar.

Björgvin Páll Gústavsson er þó langt í frá hættur og segist eiga tíu ár eftir.

Leikmenn voru hressir og sungu og trölluðu líkt og sjá má í spilaranum.