Sport

Bald­vin og Andrea fögnuðu sigri í fyrsta míluhlaupinu

Ágúst Orri Arnarson skrifar
Baldvin Þór og Andrea eru 250.000 krónum ríkari eftir sögulegan sigur.
Baldvin Þór og Andrea eru 250.000 krónum ríkari eftir sögulegan sigur. vecct / aron guan

Baldvin Þór Magnússon og Andrea Kolbeinsdóttir stóðu upp sem sigurvegarar í sögulegu hlaupi í gærkvöldi, þegar fyrsta Íslandsmeistaramótið í götumílu fór fram á Kvartmílubrautinni í Hafnarfirði.

Hlaupin var ein míla, eða 1.609 metrar, á hraðri og flatri braut. Hringurinn var 1.119 metrar með tveimur 490 metra beinum köflum.

Aðstæður voru afar erfiðar, verulega vindugar og votar. Hlaupararnir voru því ekki að klukka sína bestu tíma en sigurvegararnir voru ekki óvæntir.

Baldvin Þór kom í mark á 4:21. vecct / aron guan

Baldvin Þór Magnússon vann karlaflokkinn með því að hlaupa míluna á 4 mínútum og 21 sekúndu. Jökull Bjarkason og Fjölnir Brynjarsson urðu í 2. og 3. sæti, báðir á tímanum 4:31.

Andrea Kolbeinsdóttir vann kvennaflokkinn með því að hlaupa míluna á 4 mínútum og 59 sekúndum. Halldóra Huld Ingvarsdóttir og Íris Anna Skúladóttir urðu í 2. og 3. sæti, á 05:11 og 05:20.

Andrea kom í mark á 4:59.vecct / aron guan

Einnig var keppt í opnum almennum flokkum karla og kvenna. Þar var Agnar Darri Sveinsson sigurvegari karla á tímanum 04:49 en Sigrún Erla Lárusdóttir sigurvegari kvenna á tímanum 05:52.

Keppnin bar heitið Vecct Mílan og var í beinni útsendingu á Vísi. Upptaka verður birt hér fyrir neðan síðar í í dag.

Hlaup

Mest lesið


Fleiri fréttir

Sjá meira


×

Mest lesið