Breiða­blik mun berjast um sæti í Bónus deildinni

Breiðablik féll úr Bónus deildinni vorið 2024 en stefnir aftur upp. Sindri eða Selfoss munu standa í veginum í úrslitaeinvíginu en staðan í einvígi þeirra er 1-1 og þriðji leikurinn fer fram á morgun.

Blikar sópuðu KV í sumarfrí en voru næstum því búnir að klúðra sínum málum og kasta sigrinum frá sér.

Blikar leiddu með tuttugu stigum eftir þriðja leikhlutann en tóku fótinn af bensíngjöfinni í fjórða leikhluta og hleyptu KV inn í leikinn.

Vesturbæingar gerðu sitt allra besta til að fresta sumarfríinu og minnkuðu muninn alveg niður í tvö stig, en nær komust þeir ekki.

Sölvi Ólason átti stórleik fyrir Breiðablik í kvöld og var stigahæstur með 34 stig, auk 4 stoðsendinga og 2 frákasta.