Ægir fluttur í burtu í sjúkra­bíl

Ægir meiddist á hendi og það var strax ljóst að meiðslin væru alvarleg.

Ægir kom illa niður og sneri illa upp á olnbogann. Það var strax óttast um að hann hafi brotnað.

Kallað var eftir því hvort það væri læknir í húsinu og Ægir síðan fluttur í burtu með sjúkrabíl.

Ægir er algjör lykilmaður fyrir Stjörnuna á báðum endum vallarins og þessi meiðsli því mikið áfall fyrir Íslandsmeistarana.

Þetta er annað áfall fyrir Stjörnuna en Orri Gunnarsson, annar landsliðsmaður, sleit krossband fyrir úrslitakeppnina.

Ægir var hylltur af öllu húsinu þegar sjúkraflutningamennirnir fóru með hann út.

Það má sjá meiðslin hjá Ægi hér fyrir neðan en við vörum viðkvæma við myndbandinu.