Flug­stjórinn verið í sínu síðasta flugi og málið litið grafalvarlegum augum

Þetta segir Linda Gunnarsdóttir, yfirflugstjóri hjá Icelandair, í samtali við Vísi. Um hafi verið að ræða Boeing 757-þotu í áætlunarflugi á leið frá Frankfurt. Flugstjórinn hafi gert þetta án vitundar eða samþykkis stjórnenda hjá flugfélaginu sem hafi frétt af atvikinu eftir á.

Samkvæmt heimildum fréttastofu hefur Icelandair tilkynnt málið til lögreglu. Þá hafi það verið í samskiptum við Samgöngustofu vegna málsins.

„Ég veit að farþegar voru vel upplýstir um að þetta stæði til, en við lítum þetta grafalvarlegum augum,“ segir Linda.

Hún bætir við að málið sé til skoðunar hjá flugfélaginu og rætt verði við viðkomandi flugstjóra. Meðal annars sé til athugunar hvort vikið hafi verið frá lögum og reglum sem snúa að flugi.

„Við biðjum íbúa Vestmannaeyja velvirðingar ef þeir hafa orðið fyrir ónæði.“

Linda segist ekki hafa neitt í höndunum til að styðja það að einhver hætta hafi verið á ferðum.

„Hins vegar er flug í eðli sínu þannig að við fylgjum mjög föstum verkferlum og tékklistum, og svona flug rúmast ekki innan þess ramma.“

Fréttin er í vinnslu.