Jón Erik vann silfur í besta stór­sviginu á ferlinum

Jón Erik var í 4. sæti eftir fyrri ferð, en sýndi mikinn styrk og var með besta tímann í seinni ferðinni. Sá árangur dugði honum til að tryggja sér silfurverðlaunin. Þetta eru jafnframt stigahæsta stórsvigið í FIS-punktum talið sem Jón Erik hefur náð á ferlinum.

„Geggjað að fá góð úrslit á lokametrunum á tímabilinu en við erum samt bara rétt að byrja,“ segir Jón Erik við Skíðasambandið.

Fleiri landsliðsmenn tóku þátt í mótinu þar sem Tobias Hansen endaði í 11. sæti og Pétur Reidar Pétursson hafnaði í 19. sæti. 

Þeir Jón Erik, Tobias og Pétur Reidar eru þessa dagana þátttakendur í mótaröð í Val d’Isère, þar sem þeir halda áfram að safna dýrmætri reynslu og keppa við sterka keppendur.

Á sama tíma eru landsliðsmennirnir Bjarni Þór Hauksson og Matthías Kristinsson staddir í Noregi, þar sem þeir munu taka þátt í mótum á næstu dögum í Kvitfjell, Hemsedal, Ål og Geilo.