Martin úr leik í Meistara­deildinni

Alba Berlin þurfti sigur í þessum leik til að knýja fram leik þrjú, oddaleik í átta liða úrslita einvíginu.

Berlínarbúar börðust fram á síðustu stundu og náðu að knýja fram framlenginu eftir að hafa verið langt undir í þriðja leikhluta.

Spánverjarnir reyndust hins vegar sterkari þegar á hólminn var komið. Unicaja náði 80-88 forystu áður en Alba minnkaði muninn í 85-88.

Martin lét lítið fyrir sér fara á þeim 19 mínútum sem hann spilaði. Aðeins 2 stig, 3 fráköst og 3 stoðsendingar skiluðu sér á tölfræðiskýrsluna.