„Þetta bara öskrar á fimm leiki“

„Þetta er rosaleg sería sem er fram undan. Þetta bara öskrar á fimm leiki. Þetta er eina serían sem liðin unnu sitthvorn leikinn því í öllum hinum hefur annað liðið unnið báða leikina,“ sagði Stefán Árni Pálsson, umsjónarmaður Körfuboltakvölds.

„KR-liðið er á uppleið eftir áramót og manni finnst kannski Stjarnan vera svona örlítið á niðurleið. Án þess þó að þetta hafi verið eitthvað afgerandi,“ sagði Sævar Sævarsson, sérfræðingur Körfuboltakvölds.

KR-ingar duttu þó niður í sjötta sætið eftir tap í síðustu tveimur deildarleikjunum.

„Þau eru ekki beint að haltra inn í úrslitakeppnina en ég held að báðir þjálfararnir myndu vilja að liðin væru aðeins betur í stakk búin,“ sagði Stefán Árni

„Það var mikið högg fyrir Stjörnuna að vera ekki með Orra [Gunnarsson]. Þetta er annað Stjörnulið en við vorum að horfa hérna fyrir nokkrum leikjum síðan eftir að hann meiddist,“ sagði Hermann Hauksson, sérfræðingur Körfuboltakvölds.

„Gæðin í báðum liðunum eru mikil. KR-ingarnir eru með ofboðslega hávaxið lið og það eru allir frekar á svipuðu kalíberi varðandi hraða. Stjarnan er svona lið sem er með ofboðslega mikinn sóknarþunga í mörgum leikmönnum en bæði liðin vilja hlaupa hraðan bolta. Þannig að ég er ofboðslega spenntur fyrir þessari seríu,“ sagði Hermann

Það má finna alla umfjöllunina um einvígið hér fyrir neðan.