Sparkað eftir að hafa greint frá ó­léttu

Bates hafði verið í samstarfi við fyrirtækið UCan sem framleiðir orkugel fyrir hlaupara sem og fæðubótarefni fyrir. Samstarfið er ekki lengur til staðar og heldur Bates því fram að það tengist þungun sinni. 

Því harðneita stjórnendur UCan og segja ákvörðun um að binda endi á samstarfið við Bates hafa verið tekna áður en hún tjáði þeim að hún væri ólétt.

Bates er þaulreyndur maraþonhlaupari og endaði í öðru sæti í Chicago maraþoninu árið 2021 og fimmta sæti í Boston maraþoninu árið 2023. 

Hún greindi frá þungun sinni með færslu á samfélagsmiðlum þann 5. mars síðastliðinn en hafði fyrir það hlaupið í Valencia maraþoninu í desember. 

Fullyrðingar Bates og UCan stangast á. Fyrirtækið segist hafa boðið hlauparanum samstarf undir öðrum skilmálum í september á síðasta ári.

Þessu harðneitar umboðsmaður Bates segir UCan hafa átt í viðræðum við Bates í september, gert henni tilboð í desember en síðan breytt því sökum þungunar hennar.