Handbolti

Sigur­gangan endaði í síðasta leik fyrir úr­slita­keppni

Óskar Ófeigur Jónsson skrifar
Elín Klara Þorkelsdóttir hefur átt frábært tímabil í Svíþjóð en næst á dagskrá er að mæta í úrslitakeppnina sem deildarmeistari.
Elín Klara Þorkelsdóttir hefur átt frábært tímabil í Svíþjóð en næst á dagskrá er að mæta í úrslitakeppnina sem deildarmeistari. vísir/Lýður

Elín Klara Þorkelsdóttir og félagar í Sävehof töpuðu í lokaleik sínum í deildarkeppninni í kvöld en liðið var fyrir löngu búið að tryggja sér deildarmeistaratitilinn.

Sävehof tapaði með tveggja marka mun á útivelli í Íslendingaslag við Skara HF, 32-30.

Skara var tveimur mörkum yfir í hálfleik, 16-14, en liðið endar í þriðja sæti deildarinnar, sex stigum á eftir Sävehof.

Sävehof var búið að vinna sex deildarleiki í röð og 19 af 21 deildarleik tímabilsins fyrir leikinn í kvöld.

Elín Klara skoraði sjö mörk, þar af fjögur af vítalínunni. Hún átti einnig eina stoðsendingu og var með næsthæstu tölfræðieinkunnina í sínu liði.

Lena Margrét Valdimarsdóttir lék með Skara, náði ekki að skora en gaf eina stoðsendingu.

Sænski handboltinn

Mest lesið


Fleiri fréttir

Sjá meira


×

Mest lesið