Góð tann­hirða hefur bein á­hrif á al­menna heilsu líkamans

Í munninum okkar er gríðarlegt magn baktería en ójafnvægi í þessari bakteríuflóru getur ekki einungis leitt til tannvandamála, heldur einnig til víðtækari heilsufarskvilla. Slæm munnhirða og óreglulegt eftirlit hjá tannlækni geta leitt til þess að bakteríur komist í ójafnvægi og fram geta komið ýmsir kvillar, svo sem tannholdsbólgur og sýkingar sem geta í kjölfarið ollið stærri vandamálum víða um líkama. Hvað getum við gert til þess að stuðla að heilbrigðum tönnum sem hefur í kjölfarið góð áhrif á líkama okkar?

Vönduð tannhirða er mikilvæg strax frá ungaaldri

Við erum eflaust flest sammála því að vilja halda tönnunum okkar heilbrigðum út ævina en til þess er mikilvægt að huga vel að góðri tannhirðu strax á ungaaldri. Barnatennurnar gegna m.a. því hlutverki að varðveita pláss fyrir fullorðins tennurnar sem koma síðar á lífsleiðinni. Mikilvægt er að hreinsa barnatennurnar vel þó svo að það geti oft á tíðum verið allt annað en auðvelt verkefni fyrir foreldra og forráðamenn en tennurnar eru viðkvæmari þegar þær eru nýkomnar upp og því best að nota tannbursta með mjúkum hárum.

GUM býður upp á fjölbreytt úrval af barna tannvörum, svo sem monster tannbursta sem hefur lit í miðju háranna sem sýnir hve mikið tannkrem skal nota við hverja tannburstun. Ljósa tannburstinn frá GUM er að auki frábær leið til að fá börnin til að vilja bursta tennurnar en tannburstinn er sérstaklega hannaður til að venja börn á að bursta tennurnar í þann tíma sem tannlæknar mæla með. Tannkremið skiptir svo ekki síðra máli en mikilvægt er að velja tannkrem sem inniheldur rétt magn flúors í hverjum skammti.

Góð rútína skiptir máli til að viðhalda góðri tannheilsu alla ævi

Ýmsir þættir spila stórt hlutverk þegar kemur að góðri tannheilsu en þar geta spilað inn í erfðir, dagleg tannhreinsun, reglulegt eftirlit hjá tannlækni og matar- og drykkjarvenjur.

Eitt er þó mikilvægt og það er að koma upp daglegri tannrútínu með það að markmiði að skapa hollar og góðar venjur sem aðstoða okkur að viðhalda góðri tannheilsu. Í slíkri rútínu er mikilvægt að bursta tennurnar vel með góðum tannbursta tvisvar sinnum á dag og notast við tannkrem sem inniheldur nauðsynleg efni sem hjálpa til við að vernda tennurnar, nota öflugan tannþráð eða millitannabursta sem hjálpar okkur að hreinsa á milli tanna þar sem burstinn nær ekki til ásamt því að nota munnskol sem inniheldur flúor en það herðir glerung tanna og hjálpar við til við að koma í veg fyrir skemmdir. Einnig er mikilvægt að nota vörur sem henta okkar tönnum sem og fara í reglubundnar skoðanir til tannlæknis.

Hvað eru millitannaburstar?

Tannþráður eða millitannabursti er jafn mikilvægt skref eins og að tannbursta með venjulegum tannbursta. Millitannaburstar eru sérstaklega hannaðir til að hreinsa vel á milli tannanna þar sem tannburstinn nær ekki til en hárin á venjulegum tannbursta eru ekki nægilega smá til þess að komast á milli tannanna. 

Með millitannabursta náum við vel til óhreininda sem safnast á milli tannanna og viðhöldum þannig tönnunum hreinum. Talað er um að tannbursti nái að hreinsa aðeins um 60% og er því mikilvægt að nota tannþráð eða millitannabursta til þess að klára þessi 40% sem eftir eru til þess að gera tennurnar skínandi hreinar. 

Millitannaburstarnir koma í mismunandi stærðum sem mæta mismunandi þörfum en þeir virka einnig vel til að hreinsa á milli brúarliða og tannplantna. Tannstönglarnir, tannþræðirnir og millitannaburstanir eru að auki fullkomnir á ferðinni til þess að passa upp á að halda brosinu hreinu og fínu, sem lætur okkur jafnframt líða betur.

GUM mætir þörfum hvers og eins með einstökum tannvörum

Tannvörurnar frá GUM hafa hlotið mikilla vinsælda um allan heim en með áratuga reynslu og samstarf við tannlækna, tannfræðinga og aðra sérfræðinga hefur GUM þróað fjölbreytt úrval af tannhirðu vörum sem stuðla að góðri tannheilsu fyrir allan aldur.

Tannvörurnar frá GUM eru hannaðar með áherslu á bæði tennur og tannhold en hver og ein vara gegnir sérhæfðu hlutverki og geta því öll fundið eitthvað við sitt hæfi. Í vörulínu GUM má finna fjölbreytt úrval af munnhirðuvörum, svo sem tannbursta, tannkrem, tannþráð, millitannabursta, munnskol og aðrar vörur sem hjálpa til við að halda hreinum og heilbrigðum munni og tönnum. 

GUM leggur einnig mikinn metnað í að bjóða upp á lausnir sem mæta þörfum hvers og eins en meðal annars er boðið upp á sérhæfðar vörulínur sem vinna gegn algengum kvillum á borð við tannholdsbólgu, tannkul, munnangur, munnþurrk og fleira, ásamt vörum sem henta þeim vel sem eru í tannréttingum og þeim sem hafa falskar tennur.

Góð munnhirða er mikilvægur hluti af almennri heilsu og með áhrifaríkum vörum og góðri munnhirðu er hægt að stuðla að heilbrigðum tönnum og tannholdi um æviskeið. Heilbrigðar og fallegar tennur bæta almenna líðan og öll ættum við að reyna að halda tönnunum heilbrigðum alla ævi.

GUM vörurnar fást í helstu apótekum og stórmörkuðum og ennfremur á vefversluninni velvera.is.