Við­skipta­vinir hafi fengið fjölda svikapósta

Í tilkynningu á heimasíðu Símans segir að í svikapóstunum sé reynt að fá viðtakendur til að ýta á hlekki eða hnappa sem leiði þau inn á svikasíður.Til að mynda standi í póstunum „Viðvörun: Ódulkóðuð nettenging - Smelltu hér til að virkja örugga dulkóðun“.

Til að mynda fékk einn viðskiptavinur Símans ítrekað tölvupósta líkt og þann sem má sjá hér fyrir ofan. 

„Viðskiptavinum Símans er ráðlagt að smella ekki á slíka hlekki eða hnappa í tölvupóstinum sem kunna að innihalda óværu,“ segir í tilkynningunni.

Síminn vinnur nú með CERT-IS að loka léninu og loka á móttöku þessara tölvupósta.