Rosa­leg dag­skrá Man. City að hefjast

City er enn í baráttu um alla titla en það mun reyna á leikmannahópinn á næstunni. Liðið leikur meðal annars úrslitaleik deildabikarsins við Arsenal, gegn Liverpool í 8-liða úrslitum enska bikarsins, og tvo leiki við Bayern eða Atalanta ef því tekst að slá Real Madrid út.

City-menn slógu Newcastle út úr enska bikarnum um helgina með 3-1 útisigri en höfðu gert 2-2 jafntefli við Nottingham Forest í síðasta deildarleik. Þeir eru því ekki lengur með örlögin í eigin höndum í deildinni en eru sjö stigum á eftir Arsenal og eiga leik til góða, sem og heimaleikinn við Arsenal 19. apríl.

Takist City að slá Liverpool út í bikarnum bíður liðsins svo undanúrslitaleikur 25. apríl sem sömuleiðis gæti verið gegn Arsenal sem dróst gegn Southampton á útivelli í 8-liða úrslitum.