Taplausir yfir heilt tíma­bil og síðasti sigurinn var sá dramatískasti

Almar og félagar hafa átt tímabil sem hefur verið töfrum líkast. Þeir eru fyrstu taplausa liðið í fimm ár í Division 1 háskólaboltanum, síðan Gonzaga árið 2021.

Síðustu leikir tímabilsins hafa hins vegar ekki verið auðveldir, eins og gefur að skilja. Liðið hefur unnið fjóra af síðustu tólf leikjum með minna en þremur stigum og þeir þurftu að skilja eftir á vellinum til að ná sigrinum í nótt.

Leikurinn fór í framlengingu, gegn liði sem Miami RedHawks hafa ekki unnið á útivelli í fimmtán ár, en Jackson Paveletzke klikkaði á tveimur skotum í lokasókn Ohio Bobcats.

Almar skaut illa í nótt en skoraði 3 stig, greip 3 fráköst og gaf 1 stoðsendingu. Hann er lykilmaður í liðinu og spilaði alla þrjátíu leikina fyrir þennan með 10,5 stig að meðaltali í leik, sem er það fimmta mesta í liðinu. Hann hafði skorað 55 þrista í 30 leikjum og verið með 38 prósent nýtingu fyrir utan þriggja stiga línuna og áttatíu prósent nýtingu á vítalínunni.

Þrátt fyrir að hafa klárað deildarkeppnina með fullt hús stiga og 31 sigur í 31 leik þá þarf Miami enn að bíða eftir staðfestu sæti í úrslitakeppninni. Umspil um það fer fram í næstu viku, byrjað á átta liða úrslitum og svo framvegis.

Valnefndin mun þó væntanlega eiga erfitt með að horfa framhjá stórkostlegum árangri liðsins, ef ske kynni að þeir væru ekki taplausir í umspilinu líka.