Erlent

Ísrael og Banda­ríkin ráðast á Íran

Jón Þór Stefánsson, Samúel Karl Ólason, Rafn Ágúst Ragnarsson og Agnar Már Másson skrifa
Mynd frá vettvangi í Tehran.
Mynd frá vettvangi í Tehran. Getty

Hið minnsta tvö hundruð eru taldir látnir eftir að Ísrael og Bandaríkin hófu árás á Íran í morgun. Ísraelsríki segir árásina fyrirbyggjandi og Donald Trump Bandaríkjaforseti segir markmiðið að koma klerkastjórninni frá völdum. Örlög æðstaklerks Írans eru óljós. Vísir færir ykkur nýjustu fréttir í vaktinni hér að neðan.

Myndir frá Teheran, höfuðborg Íran, sýna að mikinn reyk leggur frá byggingum í borginni, og þá er ljóst að eyðileggingin er mikil. Árásir voru gerðar í minnst fjórum borgum til viðbótar. 

Það helsta: 

- Árásirnar hófust rétt rúmlega sex, að íslenskum tíma, og eru þær sagðar eiga að standa yfir í að minnsta kosti einhverja daga.

- Hið minnta 200 eru látnir í Íran að sögn íranska Rauða hálfmánans og ríflega 700 taldir særðir.

- Bæði Donald Trump og Benjamín Netanjahú segja markmiðið að koma í veg fyrir að klerkastjórnin í Íran komi upp kjarnorkuvopnum og sömuleiðis vilji þeir koma stjórninni frá völdum. 

- Árásir á Íran hafa legið í loftinu um nokkuð skeið, þar sem Bandaríkjamenn hafa sent umtalsverðan herafla á svæðið. Á sama tíma hafa átt sér stað viðræður um kjarnorkuáætlun Írana, sem Bandaríkjamenn hafa viljað stöðva.

- Íranar hafa skotið eldflaugum að Ísrael og að öðrum nágrannalöndum eftir árásir Ísraela og Bandaríkjamanna.

- Miklar vangaveltur hafa verið uppi um ástand Ali Khamenei, æðstiklerks Írans. Aðsetur hans í Teheran var lagt í rúst. En hann er þó sagður hafa verið sendur í öruggt skjól. Aftur á móti telja Ísraelsmenn líklegt að hann sé dáinn.

Fylgst er með gangi mála í Vaktinni hér að neðan. Ef hún birtist ekki er ráð að endurhlaða síðunni.

Íran Ísrael Bandaríkin Donald Trump

Mest lesið


Fleiri fréttir

Sjá meira
×

Mest lesið