Körfubolti

Á ís­lenska konu og barn en mætir Ís­landi í kvöld

Sindri Sverrisson skrifar
Lífið leikur við Mindaugas Kacinas þessa dagana en hér fagnar hann bikarmeistaratitlinum í Póllandi á sunnudaginn.
Lífið leikur við Mindaugas Kacinas þessa dagana en hér fagnar hann bikarmeistaratitlinum í Póllandi á sunnudaginn. Getty/Marcin Golba

Mindaugas Kacinas, fyrrverandi leikmaður Keflavíkur, spilar sinn fyrsta A-landsleik fyrir Litháen þegar liðið mætir Íslandi í körfubolta í Laugardalshöll í kvöld.

Liðin mætast í kvöld og svo aftur ytra á mánudaginn, í undanriðli fyrir heimsmeistaramótið í körfubolta.

Einn af þeim sem strákarnir okkar þurfa að eiga við er Kacinas sem lék með Keflvíkingum tímabilið 2018-19.

Kacinas hefur vægast sagt mikla tengingu við Ísland og dvelur jafnan hér á landi yfir sumartímann, því kona hans er körfuboltaþjálfarinn Kristjana Eir Jónsdóttir. Saman eiga þau soninn Atlas Loka sem fæddist í desember.

Kristjana Eir Jónsdóttir, kona Kacinas, getur eflaust veitt honum góð ráð enda körfuboltaþjálfari.Vísir/Hulda Margrét

Eftir tímann með Keflavík hefur Kacinas aðallega spilað á Spáni en undanfarið með Trefl Sopot í Póllandi þar sem hann varð einmitt bikarmeistari um síðustu helgi.

Kacinas hefur því á ansi skömmum tíma afrekað það að verða pabbi, bikarmeistari og nú bráðum landsliðsmaður einnar mestu körfuboltaþjóðar Evrópu.

Leikur Íslands og Litháens í kvöld hefst klukkan 19:30 og verður að sjálfsögðu í beinni textalýsingu á Vísi.

Landslið karla í körfubolta HM 2027 í körfubolta Keflavík ÍF

Tengdar fréttir

Heim í hlýjuna en alls ekki á heimleið

Elvar Már Friðriksson fagnar því að komast heim í hlýjuna á Íslandi eftir sérlega kaldan vetur í Póllandi. Orðrómar um að hann snúi alfarið heim í haust eru á sandi byggðir.

Orri með slitið kross­band og þarf í að­gerð

Íslenski landsliðsmaðurinn Orri Gunnarsson, leikmaður Stjörnunnar, er með slitið krossband og þarf í aðgerð. Þetta kemur fram í tilkynningu frá Stjörnunni nú rétt í þessu. 

Skorti orku og ástríðu

Craig Pedersen, landsliðsþjálfari karla í körfubolta, segir áskorun að mæta sterku liði Litáen í Laugardalshöll í undankeppni HM á föstudag. Nauðsynlegt sé að leikmenn finni ástríðu og orkustig sem var ekki til staðar gegn Bretum í síðasta heimaleik.

Mest lesið


Fleiri fréttir

Sjá meira


×

Mest lesið