Tölu­verður við­búnaður vegna til­kynningar um kajak

Þetta staðfestir Skúli Jónsson, aðstoðaryfirlögregluþjónn hjá lögreglunni á höfuðborgarsvæðinu. Tilkynningin barst í kringum hálf ellefu en rétt fyrir ellefu var allur viðbúnaður afturkallaður.

„Menn eru búnir að leita af sér allan grun,“ segir hann. „Það er engan kajak að finna, það er búið að fara með dróna og hitamyndavél.“

„Það var einhver vegfarandi sem taldi sig sjá eitthvað óeðlilegt í sjónum og hugsanlega kajak í sjónum í grenndinni við Skildinganes,“ segir Stefán Kristinsson, varðstjóri hjá Slökkviliði höfuðborgarsvæðisins, í samtali við fréttastofu. Mögulega væri um hafís að ræða sem sé ekki algengur á þessum slóðum.

Björgunarsveitir í nágrenninu og björgunarskip voru einnig kölluð út vegna tilkynningarinnar. 

Fréttin hefur verið uppfærð.