Óðinn með níu mörk í mikil­vægum sigri

Óðinn fór mikinn og skoraði níu mörk úr tíu skotum, auk þess að stela boltanum í eitt skipti. Hann var markahæstur í leiknum ásamt Luka Maros, sem skoraði níu mörk úr tólf skotum.

Þetta var fyrsti leikur liðsins í milliriðlakeppni Evrópudeildarinnar og mikilvægur sigur því öll lið milliriðilsins tóku tvö stig með sér úr riðlakeppninni.

Kadettarnir frá Sviss eru því í efsta sæti riðilsins og eiga báða heimaleikina eftir.

Sætur sigur hjá Stiven

Stiven Tobar Valencia og félagar í portúgalska liðinu Benfica unnu öruggan 40-35 sigur gegn Vardar. Stiven skoraði sex mörk úr átta skotum í vinstra horninu.

Benfica fór stigalaust áfram í milliriðill en tókst með þessum sigri að halda vonum sínum um úrslitakeppnina á lífi.