Týnda göngufólkið reyndist vera í Reykja­vík

Þetta staðfestir Magnús Ragnarsson, aðalvarðstjóri hjá Lögreglunni á Suðurlandi. Um er að ræða þrjá göngmenn sem lögðu af stað fyrr í dag en formleg leit hófst um tuttugu mínútur yfir fimm. Rétt fyrir sjö fundust göngumennirnir fyrir tilviljun á meðan þau fengu sér að borða í Reykjavík.

„Fólkið er fundið, það er búið að koma sér til Reykjavíkur en það hafði ekki náðst í það. Það voru tæplega tvö hundruð manns sem voru komnir af stað,“ segir Magnús.

Samferðarmaður göngumannanna hafði samband við lögreglu eftir að þeir skiluðu sér ekki heim. Leitað evar á Hellisheiðinni og þar í kring. Um er að ræða þrjá erlenda ferðamenn.

Ásgeir Erlendsson, upplýsingafulltrúi Landhelgisgælsunnar, staðfestir að óskað hafi verið eftir aðstoð þyrlusveitar Landhelgisgæslunnar. Magnús segir að einnig hafi verið óskað eftir aðstoð björgunarsveita á Suðurlandi og á höfuðborgarsvæðinu.

Fréttin hefur verið uppfærð.