Per­sónu­leg á­ætlana­gerð fyrir 2026 aldrei verið jafn auð­veld og nú

Þetta er þá persónuleg áætlun. Til dæmis fyrir okkur í vinnunni. 

Sem þýðir að í staðinn fyrir að ætla að vera partur af því að ná áætlun vinnustaðarins í heild, ætlum við að skerpa á því hvernig okkur tekst að standa undir áætluninni sem snýr að okkur. En eins líka að búa til áætlun sem er eingöngu fyrir okkur, óháð vinnustaðnum.

Það skemmtilega er, að svona áætlanagerð hefur sjaldan ef nokkurn tíma verið jafn auðveld í framkvæmd og nú. Enda hægt að fá AI ChatGpt til að vinna flóknustu hlutina fyrir okkur og með okkur.

Það er líka hægt að fá gervigreindina til að hjálpa okkur að búa til hugmyndalista um hvað ætti helst að felast í persónulegu áætlanagerðinni. Eða að spyrja gervigreindina: Hversu raunhæft er þetta plan? Er ég líkleg/ur til að ná því ? Kalla fram styrkleika, veikleika, fá leiðsögn um það sem má betrumbæta.

Það góða við gervigreindina er að hún getur verið að vinna fyrir okkur, þótt við séum að gera eitthvað allt annað. 

Markmið þessarar greinar er hins vegar að skerpa á, hvers vegna svona persónuleg áætlun getur verið gagnleg og góð fyrir okkur sjálf. Líka í vinnunni.

Sem dæmi má nefna rannsókn sem gerð var í Dominican háskólanum í Kaliforníu í Bandríkjunum. Niðurstöður sýna að starfsmenn sem skrifa niður markmiðin sín, eru 42% líklegri til að ná þeim markmiðum en aðrir.

Það eitt og sér að skrifa niður markmiðin okkar fyrir vinnuna og helst að klára það fyrir jólin, gæti verið mjög góð og hvetjandi leið.

Að vinna síðan í útfærslunni á áætluninni er næsti fasi og við látum hvern og einn um að meta, hvaða leið er best að fara.

En minnum á, að það er ekkert síður mikilvægt að sjá síðan fyrir sér útkomuna. Því rétt eins og með áhrifamáttinn af því að skrifa niður markmiðin, hafa ýmsar rannsóknir staðfest um árabil, að það að sjá fyrir okkur árangur og útkomu, eykur líka líkurnar á að okkur takist það sem við stefnum að því að gera.

En ekki er allt sýnilegt velta sumir fyrir sér. Eða að minnsta kosti, virka hlutirnir oft mis-sýnilegir.

Að sjá fyrir sér starfsþróun, nýtt starf, stjórnendastöðu, nýja ábyrgð og svo framvegis, gæti til dæmis verið auðveldara en að sjá fyrir sér aukið öryggi í starfi, helmingi stærri kúnnalisti að sjá um og svo framvegis.

En þá er um að gera að sjá útkomuna fyrir sér þannig að við má segja sækjum tilfinninguna sem myndi fylgja því að ná árangrinum og gerum útkomuna sýnilega fyrir okkur þannig.