Elliði fram­lengir dvölina í Gummersbach

Tveimur árum var bætt við fyrri samning Elliða við Gummersbach. Hann gekk í raðir liðsins frá ÍBV 2020.

Hjá Gummersbach leikur Elliði undir stjórn Guðjóns Vals Sigurðssonar. Liðið er í 6. sæti þýsku úrvalsdeildarinnar.

Á þessu tímabili hefur Elliði skorað 59 mörk í sautján leikjum og nýtt 83 prósent skota sinna.

Hinn 27 ára Elliði hefur verið í lykilhlutverki í íslenska landsliðinu undanfarin ár. Ísland tekur þátt á EM í næsta mánuði.

Næsti leikur Gummersbach er gegn Stuttgart á útivelli á sunnudaginn. Gummersbach er án sigurs í síðustu fjórum deildarleikjum.