„Er þetta ekki eins og Gummi Ben að lýsa fót­boltanum?“

Stefán Árni Pálsson sleppti öllum milliliðum og fékk margar af erlendu stjörnum Bónusdeildarinnar til að segja okkur hvernig á að bera fram nöfnin þeirra

„Það eru mjög flottir leikmenn í þessari deild sem heita fullt af nöfnum. Þeir eru nýir og af erlendu bergi brotnir. Ég er búinn að fá þá til að senda mér hvernig á að segja nafnið þeirra. Ég ætla að sýna ykkur það núna og þessum tveimur herramönnum,“ sagði Stefán Árni og vísaði til sérfræðinganna sinna í þættinum sem voru Teitur Örlygsson og Hlynur Bæringsson.

„Strákar, þetta var skemmtilegt,“ sagði Stefán en hann kallaði sérstaklega eftir því að heyra aftur í Keflvíkingnum Craig Edward Moller.

„Mig langar að fá aftur Craig Moller. Getum við sett aftur Craig Moller í loftið því þessi hreimur,“ sagði Stefán

„Er þetta ekki eins og Gummi Ben að lýsa fótboltanum,“ sagði Teitur Örlygsson. „Senda þetta á Gumma,“ bætti Teitur við.

Það má sjá þessa samantekt á framburði nafna nýju erlendu leikmannanna í Bónusdeild karla hér fyrir neðan en eins þegar Stefán Árni bauð síðan upp á keppni milli Hlyns og Teits í að bera fram nokkur af þessum nöfnum.