Stofnar Facebook hóp fyrir hatur gegn sjálfum sér

TV2 greindi frá stofnun Facebook hópsins í gær en hann var stofnaður í lok október. „Það er félagsskapur fyrir allt mögulegt – og nú líka fyrir hatrið gegn mér. Hér getið þið deilt óánægju ykkar og skoðunum á minni persónu. Ég hlakka sjálfur til að taka virkan þátt,“ skrifar Løkke í lýsingu fyrir hópinn. Þegar þetta er skrifað eru meðlimir hópsins orðnir um tvö hundruð talsins.

Í frétt TV2 er bent á að notandi samfélagsmiðilsins hafi til að mynda skrifað neikvæða athugasemd beint á Facebook-prófíl Løkke, sem hafi bent viðkomandi á nýja Facebook hópinn og skrifað „við sjáumst hérna inni.“

Í samtali við Watch Medier segir Karsten Pedersen, lektor við Hróaskelduháskóla og greinandi í stjórnmálasamskiptum, segist Pedersen eiga erfitt með að sjá hvernig Facebook-hópur af þessum toga eigi að koma böndum á hatrið sem beinist gegn ráðherranum.

„Einfaldlega vegna þess að þeir einstaklingar sem eru mjög gagnrýnir á Lars Løkke Rassmusen, hafa væntanlega ekki áhuga á að fara inn í hans hóp,“ segir Pedersen.