Flug­um­ferðar­stjórar af­lýsa vinnu­stöðvun á morgun og laugar­dag

Þetta er í þriðja skipti sem flugumferðarstjórar aflýsa vinnustöðvun í yfirstandandi kjaradeilu sinni við Samtök atvinnulífsins. Síðast í gær var tilkynnt að búið væri að aflýsa fyrirhugaðri vinnustöðvun í dag sem hefði að óbreyttu haft áhrif á tugi flugferða til og frá Keflavíkurflugvelli. Engin vinnustöðvun hefur verið boðuð eftir laugardag.

Fulltrúar Félags íslenskra flugumferðarstjóra sátu á fundum hjá Ríkissáttasemjara með Samtökum atvinnulífsins frá klukkan 10 í morgun og var fundi slitið rúmlega 22 í kvöld. Arnar segir enn mikið verk að vinna. 

„Þessi slóð sem við fetuðum í dag gekk ekki upp og strandaði seint í kvöld.“

Fréttin er í vinnslu og verður uppfærð.