Sjáðu-hjónin kunna að halda partý

Gestir voru beðnir um að mæta í svörtum, hvítum og gráum flíkum, og voru jafnframt hvattir til að hafa þrívíddargleraugu meðferðis, þar sem þau giltu sem aðgöngumiði í afmælið. Anna Þóra kann greinilega vel við sig í Háskólabíó því tveimur dögum fyrr var hún í miklu stuði á tónleikunum Mamma þarf að djamma.

Veislan var hin glæsilegasta og var veislustjórn í höndum Níels Thibaud Girerd.

Úrvalslið íslenskra tónlistarmanna og flytjenda voru fengnir til að skemmta gestum. Þar á meðal voru Sigríður Thorlacius, Mugison, Kristján Jóhannsson, GDRN, Elín Hall, Jakob Frímann, Jóhann Sigurðarson, Mezzoforte og Skólahljómsveit Kópavogs. Þá tóku leikararnir Þorsteinn Bachmann, Jörundur Ragnarsson og Halldór Gylfason, nokkur dansspor við mikinn fögnuð viðstaddra.

Síðast en ekki síst sá hljómsveitin Húsband Sjáðu, sem er skipuð þeim Reyni Snæ, Bergi Einari, Guðmundi Óskari, Magnúsi Jóhanni, Ómari Guðjónssyni, Snorra Sigurðarsyni og Kjartani Hákonarssyni, um að halda stemningunni gangandi fram eftir kvöldi.

Hér að neðan má sjá nokkrar myndir frá kvöldinu.