Ás­dís átti stór­leik í stór­sigri Vals

Heimaliðið veitti litla mótspyrnu og sigurinn var aldrei í hættu hjá Valskonum, sem hafa nú unnið tvo af fyrstu þremur leikjunum eftir tap gegn Haukum í síðustu umferð.

Ásdís Þóra Ágústsdóttir skoraði mest og skaut best allra leikmanna, með ellefu mörk úr ellefu skotum, auk þess að gefa tvær stoðsendingar og fiska eitt víti.

Lovísa Thompson var næstmarkahæst, með sex mörk, og systir Ásdísar, Lilja Ágústsdóttir skoraði fimm mörk fyrir Val.

Þær eru dætur Ágústs Þórs Jóhannessonar, sem þjálfaði kvennalið Vals síðustu tímabil en hefur nú tekið við karlaliðinu.