Opna í Kaup­manna­höfn en loka loft­rýminu yfir Osló einnig vegna dróna­

Á sama tíma var loftrýminu yfir Óslóarflugvelli nýverið lokað vegna drónaumferðar. Verður flugvélum beint á næstu flugvelli, að sögn flugmálayfirvalda. Áður var greint frá því að dróni sem sást nálægt flugvellinum í Osló hefði ekki haft áhrif á flugumferð.

Tillkynt var um lokunina í Osló klukkan 22:30 að íslenskum tíma og er norska lögreglan með viðbúnað á flugvellinum. Lögregla telur ekki vera tengsl milli atvikana í Osló og Kaupmannahöfn að svo stöddu. Fréttastofur DR og NRK greina frá þessu.

Danska lögreglan hyggst veita frekari upplýsingar um hvað átti sér stað við Kaupmannahafnarflugvöll á blaðamannafundi klukkan 23:30 að íslenskum tíma. Tveir til þrír „stærri“ drónar sáust á svæðinu, að sögn lögreglu. 

Jakob Hansen, aðstoðarlögreglustjóri hjá lögreglunni í Kaupmannahöfn, segir að um klukkan 20:30 að staðartíma hafi borist tilkynning frá Naviair um að loftrýminu hafi verið lokað eftir að drónar sáust á svæðinu. Lögreglan hafi hafið ítarlega rannsókn á málinu í samstarfi við leyniþjónustu lögreglunnar PET og danska herinn. Ráðist hafi verið í fjölmargar aðgerðir en aðstoðarlögreglustjórinn vildi ekki útskýra hvers eðlis þær eru.

Drónarnir hafi að lokum yfirgefið svæðið en ekki verið teknir niður af yfirvöldum. 

Fréttin er í vinnslu og verður uppfærð.