Svíar vinna Ólympíubronsið 2010: „Fá­rán­legt að þetta hafi tekið svona langan tíma“

Ástæðan er sú að eftir mjög langt málaferli hafa verðlaunin verið tekin af Rússlandi, eftir að einn meðlimur liðsins fannst sekur um lyfjamisnotkun árið 2020.

Síðustu fimm ár hefur málið flakkað milli alþjóða íþróttadómstólsins, gerðardóms í Sviss og alþjóða Ólympíunefndarinnar, en í dag var loks ákveðið að ógilda árangur Yevgeny Ustyugov á Vetrarólympíuleikunum í Vancouver 2010 og Sochi 2014.

Sænska skíðaskotfimiliðið fagnar því bronsverðlaunum, rúmum fimmtán árum eftir að hafa lokið keppni.

„Málinu loksins lokið“ segir Björn Ferry, sem vann gullverðlaun í einstaklingsgreininni á sömu Ólympíuleikum en lagði riffilinn og skíðastafina á hilluna árið 2014.

„Betra seint en aldrei. Ég held að ég opni mér einn ískaldan í kvöld“ segir Mattias Nilsson, sem starfar í dag sem landsliðsþjálfari og var að vinna sín fyrstu Ólympíuverðlaun. 

„Þetta mál hefur verið rætt í mörg ár og því hefur verið áfrýjað margoft en við eigum medalíu skilið. Mér leið alltaf eins og þetta yrði niðurstaðan, en maður veit aldrei hvort með svona mál, hvort menn geti mútað sig út úr þessu eða eitthvað. Sönnunargögnin hafa legið til staðar lengi og fólk hefur margoft óskað mér til hamingju með bronsið, það er fáránlegt að þetta hafi tekið svona langan tíma“ sagði Nilsson einnig.