Besta fótboltakona heims lögð inn á sjúkra­hús fimm dögum fyrir EM

Gullknattarhafinn Aitana Bonmatí hefur verið lögð inn á sjúkrahús með heilahimnubólgu en spænska knattspyrnusambandið segir frá þessu í fréttatilkynningu.

Bonmatí er leikmaður Barcelona og hefur unnið Gullknöttinn, Ballon d'Or, undanfarin tvö ár, verðlaun fyrir bestu knattspyrnukonu heims.

Bonmatí missti af generalprufu Spánverja á móti Japan og nú ástæðan ljós.

„Þetta hljómar hræðilega en læknarnir okkar segja að þeir hafi stjórn á þessu,“ sagði spænski landsliðsþjálfarinn Montse Tomé.

Þjálfarinn hefur samt enga hugmynd um það hvort Bonmatí geti eitthvað tekið þátt í Evrópumótinu.

Bonmatí hefur auðvitað verið lykilmaður í liði heimsmeistara Spánar en hún er komin með 30 mörk í 76 landsleikjum.

Hún var valin besti leikmaður síðasta heimsmeistaramóts þegar Spánverjar fögnuðu sigri.

Spænska sambandið hefur ekki tekið neina ákvörðun með Bonmatí og bíður frekari frétta.

Fyrsti leikur spænska landsliðsins á EM er á móti Portúgal 3. júlí næstkomandi.