Innlent

Margir í vand­ræðum vegna of skyggðra rúðna

Jón Ísak Ragnarsson skrifar
Úr safni.
Úr safni. Vísir/Lýður Valberg

Lögreglan á höfuðborgarsvæðinu hafði í dag afskipti af minnst þremur ökumönnum sem keyrðu bíla með of skyggðar rúður. Voru þeir sektaðir og bílarnir boðaðir í skoðun. Einn hafði áður ekki sinnt því að fara í skoðun vegna sama atriðis og voru því skráningarmerki bílsins fjarlægð.

Þetta kemur fram í dagbók lögreglunnar þar sem verkefni dagsins eru tíunduð.

Þar segir einnig að tilkynnt hafi verið um ungmenni með hníf á leiksvæði í hverfi 220. Engar frekari upplýsingar liggi fyrir um málið.

Þá var maður sektaður í Múlunum fyrir að aka bifreið án skráningarmerkis og var hann einnig bókaður í skoðun.

Maður var sektaður fyrir að aka hópbifreið um í Breiðholti á 61 km/klst þar sem hámarkshraði er 30, og annar var sektaður fyrir að aka á 86 km/klst í Laugardalnum þar sem hámarkshraði er 50.

Lögreglumál Bílar Umferðaröryggi

Mest lesið


Fleiri fréttir

Sjá meira


×

Mest lesið