Ók á hús­vegg

Þetta er meðal þess sem fram kemur í dagbók lögreglunnar á höfuðborgarsvæðinu í dag. Þar kemur ekki fram hvaða húsi þessi tiltekni veggur tilheyrði eða hverjar aðstæðurnar voru. Lögreglumenn á sömu stöð fóru einnig á vettvang þar sem hópur ungmenna veittist að einum. Fram kemur að málið sé í rannsókn.

Lögreglumenn á lögreglustöð eitt sem sinnir verkefnum í vesturbæ og miðbæ Reykjavíkur og Seltjarnarnesi greip tvo ökumenn við að nota farsíma við akstur og þar að auki skorti annan þeirra skráningarmerki að framan. Hann á von á sekt.

Lögreglumönnum á stöð fjögur sem sinnir verkefnum í Árbæ, Grafarvogi og víðar í austurhluta borgarinnar barst tilkynning um hesta í lausagangi. Í dagbókinni kemur fram að „viðeigandi ráðstafanir“ hafi verið gerðar þó ekki komi fram í hverju þær fælust.