Lausir úr haldi grunaðir um líkams­á­rás á Akur­eyri

Árásin átti sér stað aðfaranótt sunnudags í miðbæ Akureyrar að sögn Jóhanns Olsen, aðalvarðstjóra hjá lögreglunni á Norðurlandi eystra. Hann staðfestir að árásarmönnunum hefur verið sleppt úr haldi að lokinni skýrslutöku.

Tveir einstaklingar voru handteknir vegna árásarinnar en engin vopn voru notuð. Jóhann segist ekki hafa upplýsingar um hver líðan brotaþolans eru. Þá séu engin tengsl á milli þolenda og gerendanna.

„Þetta er hjá rannsóknardeild í rannsókn, þessu er ekkert lokið. Það eiga eftir að koma í ljós afleiðingar og annað slíkt,“ segir Jóhann.