Verður verk­efna­stjóri við­burða og gras­rótar­starfs hjá Við­reisn

Í tilkynningu segir að Jóhann sé 28 ára Hvergerðingur og hafi verið í Viðreisn frá stofnun flokksins. Hann hafi tekið að sér ýmis verkefni fyrir flokkinn, meðal annars var hann kosningastjóri í Suðurkjördæmi fyrir alþingiskosningarnar 2021 og dagskrárstjóri kosningabaráttunnar 2024.

„Það er mikill heiður að vera treyst fyrir svona mikilvægu starfi og ég get ekki beðið eftir því að hefjast handa”, segir Jóhann. “Ég á ekki bara samleið með málefnum Viðreisnar, með sína áherslu á frjálslyndi og mikilvægi þess að horfa á alþjóðamál og stöðu Íslands á þeim vettvangi, heldur hef ég í gegnum störf mín fyrir Viðreisn fundið hvað fólkið í flokknum er bæði skemmtilegt og ábyrgt,” er haft eftir Jóhanni Karli.

Starfið var auglýst í upphafi árs og sóttu rúmlega sjötíu manns um starfið.