Björgunar­sveitir leita Sig­ríðar á­fram

Ásgeir Þór Ásgeirsson, aðstoðarlögreglustjóri á höfuðborgarsvæðinu, segir lögreglu hafa borist nokkrar vísbendingar en engar þeirra leitt neitt. 

Hann segir björgunarsveitarmenn hafa verið boðaðar til leitarinnar og höfuðborgarsvæðið og nágrenni sé undir. Ásgeir gat ekki veitt upplýsingar um hve lengi verði leitað í dag. 

Leit frestað síðdegis í gær

„Við erum bara að skoða þær vísbendingar sem við höfum fengið síðan við lýstum eftir viðkomandi. Svo eru fundarhöld í dag til að skipuleggja hvað við leggjum áherslu á að gera næst,“ segir Ásgeir í samtali við fréttastofu. 

Leitinni var frestað síðdegis í gær eftir að hafa ekki borið árangur. Þá sagði Jón Þór Víglundsson upplýsingafulltrúi Landsbjargar í samtali við fréttastofu að framvegis sé í höndum lögreglu að boða leit á ný. 

Um fimmtíu manns tóku þátt í umfangsmikilli leit að henni aðfaranótt sunnudags. 

Ekkert er vitað um ferðir Sigríðar síðan á föstudag. Sigríður, er 56 ára, um 170 cm á hæð, þéttvaxin og með grátt hár og rauðar strípur í axlasíðu hári. Sigríður er í talin vera klædd í gráan þunnan jakka, sem nær að hnjám, með hettu og blómaútsaum á ermum. Hún er klædd í svarta skó og með litríka hliðartösku.

Biðlað er til allra þeirra sem kunna að hafa einhverjar vísbendingar um veru hennar að hafa samband við Neyðarlínuna í síma: 112.